මනුතාපය

HOME

2009-07-07T14:41:00.006+05:30

ඔබත් මම වගේම මානවයෙක්, බුද්ධිමත් මානවයෙක්. මෙයට වසර බිලියන හතරකට පමණ පෙර පෘතුවිය ඇති වී තියෙනවා. එලෙසම වසර මිලියන දශම දෙකකට පමණ පෙර මානවයා බිහිවී ඇතැයි සැලකෙනවා. ඉතා හොඳින් කියවා බලන්න මේ ඔබගේ කථාවයි. ඉන්පසු තීරණය කරන්න කලයුත්තේ කුමක්ද කියා...

පෘතුවිය ආරම්භයේ දී එය ගිනිකඳු වලින් දැවෙමින් එයින් පිටවන දුමින් හා එමගින් සෑදුන ලවණ මගින් වසා පැතිරින. මෙලෙස බොහෝ කාලයක් පැවතීමෙන් අනතුරුව පෘතුවිය ක්‍රමයෙන් සිසිල් වෙන්න පටන ගත්තා. එයට ප්‍රධාන හේතුව වූයේ පෘතුවිය සූර්යයාට ඉතා දුරිනුත් ලඟිනුත් නොවන ලෙසට ගමන් මාර්ගයකට පැමිණීමයි. එමගින් වාෂ්ප වශයෙන් පැවති ජලය ද්‍රව හා අයිස් බවට පත් වුන අතර ගඟා හා මුහුදවල් නිර්මාණය වුනා. කාලයක් තිස්සේ ගඟා මගින් ගෙන එන ඛනිජ ලවණ සහිත ජලය මුහුදවල් තුල එක් රැස් වීමෙන් එය ක්‍රමයෙන් ලවණ රසයට පත් වුනා.

මේ පරිසරය පෘතුවියේ මුලික ජීවිය ඇතිවීමට එනම් "Archeobacteria" බැක්ටීරියාව ඇතිවීමට පදනම වුනා. ඉන්පසු "Cyanobacteria" එහෙමත් නැත්නම් "Green Algae" සූර්ය්යාගේ ශක්තිය උරාගෙන තම පැවැත්ම සකස් කර ගැනීමට අනුවර්තනය වුනා. ඔවුන් තමයි වර්ථමානයේ සිටිනා සෑම ජීවියෙකුගේම මුතුන් මිත්තන් වන්නේ. මේ කෘද්‍ර ජීවින් විසින් පෘතුවිය මතුපිට පවතින කාබන් ස්තරය යට කොට දමනු ලැබුවා අනෙකුත් ජීවීන්ට එය මත තමන්ගේ පරිණාමය ඇතිවීම පහසු වනු පිණිස. එමෙන්ම වාතයේ ඇති දුමාරය අඩු වීමෙන් පෘතුවිය මතුපිටට සූර්ය්යාලොකය ලැබීමෙන් ජලය වීයෝජනය වී වාතයේ ඔක්සිජන් ප්‍රතිශතය ඉහල ගියා.

ජීවීයේ සියළුම ක්‍රියා කාරීත්වයන් එකිනෙක බැඳී පවතින්නක්. වාතයේ හා ජලයේ පවතින සම්බන්ධතාවය ජීවයේ පැවැත්මයි. සියල්ල හුවමරුව මත යැපෙනු ලබයි. වෘක්ෂයන් බිහිවීම සඳහා අවුරුදු බිලියන හතරකට වඩා ගත වුනා. ජීවී දාමයේ ඉහලින්ම සිටින්නේ වෘක්ෂයන්. එය ශක්තිය නිෂ්පාදනය සඳහා ස්වාභාවධර්මය සතු මූලික හා එකම අවිය. වෘක්ෂයන් මගින් ලබා ගන්නා සූර්යය ශක්තියෙන් තම කඳ, අතු, ඉති සාදා අනෙකුත් ජීවයන්ගේ පැවැත්මට අවශ්‍යය ශක්තිය ආහාර ලෙස ලබා දෙනවා. එම ආහාර ලබාගන්නා අනෙකුත් ජීවීන් ගෙන පිටවන අපද්‍රව්‍ය මගින් නැවත එම ශාක වල වැඩීම සිදුවෙනවා. මේ චක්‍රය නොබිඳීව සමතුලිතව ගලා යනවා. අවුරුදු බිලියන හතරක් පැරණි පෘතුවියට අවුරුදු මිලියන දශම දෙකක් වයස මානවයා, බුද්ධිමත් මානවයා ඇතුළු වෙනවා. ඔවුන් මේ පෘතුවියේ සමතුලිතව ගලා ගිය චක්‍රය දැඩි වෙන්සකට ලක් කරනු ලබනවා. ඉතිහාසයේ කිසිම සත්වයෙක් නොකල ලෙසට.

මූලික අවදියේ දඩයම් කිරීම මගින් තම ජීවය පවත්වා ගිය ඔවුහු. පසු කාලීනව ව්‍යුහාත්මක ජීවන රටාවකට ඇතුළු වුන පසුව පරිසරයට අනුව තමා වෙනස් වීම නොව තමාට අවශ්‍ය ලෙස පරිසරය වෙන්ස් කිරීම අරඹනු ලැබුවා. ඔහුගේ පළමු සාර්ථක පියවර කෘෂිකර්මානතය සොයා ගැනීමයි. එය මීට අවුරුදු දස දහසකට පමණ පෙර ඇරඹුන්නක්. එමගින් ඔවුහු තමන්ගේ ආහාර අවශ්‍යතාවය ඉතා පහසුවෙන් ලඟාකර ගැනීමට හැකිවුනා. එයත් සමගම සිදුවුන දෙය නම් තැන තැන කුඩා ඒකක ලෙස විසිරී සිටි මානවයා සමූහ වශයෙන් ජීවත් වීම ඇරඹුවා. එනම් සාමාජ ක්‍රමය ඇතිවුනා.

විකල්ප ශක්තීන සොයාගිය ගමනේ දී වැදගත්ම සොයා ගැනීම භූගත තෙල් හමුවූමත් සමග සිදුවිනි. එමගින් මානවයාගේ ව්‍යාප්තිය ඉතා සීග්‍රලෙස වර්ධනය වෙන්නට පටන් ගැනුනා. පසු ගිය වසර හැටක කාලය තුලදී පෘතුවියේ මානව ඝනත්වය තුන් ගුනයකින් ඉහල ගොස් ඇති අතර එයින් බිලියන දෙකක පමණ ජනතාවක් නගරාශිතව ජීවත් වේ. චීනයේ ෂැන්සෙන් නගරය මිලියන ගනනක සිටිනා ජනාකීර්ණ නගරයක් වුවත් වසර හතලිහකට පෙර එය ඉතා කුඩා ග්‍රාමීය ප්‍රදේශයක්ව පැවතුනි.

"කළු රත්‍රන්" එසෙත් නොමැති නම් තෙල් සොයාගත් පසු එය යොදා කාර්යයන් කල හැකි යන්ත්‍ර නිර්මාණය කිරීම තුලින් තෙල් ලීටරයක් මගින් පැය විසි හතරක් තුල මිනිසුන් සිය දෙනෙකුගේ කාර්යයක් කිරීමට ඔවුනට හැකියාව ලැබිනි. එමගින් ඇමරිකා එක්සත් ජනපදයේ සිටිනා මිලියන දෙකක් පමණ වූ ගොවියන් හට බිලියන දෙකක පමණ පිරිසකට සෑහෙන ප්‍රමාණයේ ආහාර ප්‍රමාණයක් නිශ්පාදනය කරනු ලැබුවත් එම ධාන්‍ය බොහෝ ප්‍රමාණයක් යොදා ගැනෙනේ ජෛව ඉන්ධන නිෂ්පාදනය සඳහායි. බොර තෙල් සමග පැමිනි පොහොර හා කෘමිනාශක භාවිතය මගින් වගාවන් ඉතා සාර්ථකව ව්‍යාප්ත වූ අතර එලදාව කිහිප ගුනයකින් වැඩි කර ගැනීමටද හැකි විය. පොහොර වලින් සන්තෘප්ත වී ප්ලාස්ටික් වලින් ආවරණය වූ "හරිතාගාර" මගින් ඔවුනට ස්වභාවධර්මයේ සෘතු වෙනස තවදුරටත් අභියෝගයක් නොවිනි.

ජනග්‍රහන ඝනත්වයේ ඉහල යෑමත් සමග ඉහල ගිය මාංශමය අහාර වල ඉල්ලුම සපුරා ලීම සඳහා "කඳවුරු" අකාරයේ සත්ව ගොවිපොලවල ඉඳිවිනි. සාමාන්‍යයෙන් අර්තාපල් කිලෝවක් නිශ්පාදනය සඳහා ජලය ලීටර සියයක් පමණ වැයවෙන අතර එය සහල් කිලෝවක් සඳහා ලීටර් හාරදහසක් පමණ වෙනවා. නමුත් ගවමස් කිලෝවක් ලබා ගැනීමට වැයවෙන ජල ලීටර් ප්‍රමාණය දහතුන් දහසක්.

වර්ථමාන සමාජය මූලිකවම යැපෙනු ලබන්නේ තෙල් මතයි. නමුත් මේ ලාබදායි සම්පත ඉතා ඉක්මනින්ම අවසන් වෙන දෙයක් බව අප සැවොම අමතක කොට දමා තිබෙනවා. මේ පාරිබෝගික රටාව අනුව සියළුම ඛනිජ සම්පත් මේ සියවස අවසන් වීමට ප්‍රථම අවසන් වීමට නියමිතයි.

නූතන කොලනියේ කැඩපතක් බඳු ඩුබායි දේශය, කල නොහැකියැයි සිතූ බොහෝ දේ කල හැකි දේ බවට පත්කල. කෘතිම නගර ඇතිකල ප්‍රමුඛයා වූයේ තම සතුව පැවති සීමිත ස්භාවික සම්පත් ප්‍රමාණය උපයෝගී කොට ගනිමින්. ඔවුන් මේ සියළු දේ සිදුකරනු ලැබුවේ තමන්ගේ ප්‍රධාන ආදයම් මාර්ගය වූ තෙල් සම්පත උපයෝගී කරගෙනයි. ජලය, ගොවිපොලවල් කිසිවක් නොමැතිවුවත් යහමින් මුදල් ඇති නිසා එය ඔවුනට ගැටලුවක් වූයේ නෑ. ඔවුනට පුරා වසර නොනවතින හිරු රැස් ලැබුනත් අවාසනාවකට එහි එකදු සූර්යය කෝෂයක් හෝ දක්නට ලැබෙන්නේ නැහැ. එය තවමත් සොබා දහම මත නො‍යැපෙන දේශයක්.

පසුගිය වසර හතලිහක කාලයක් තුල පෘතුවියේ විශාලතම වැසි වනාන්තරය වන ඇමසෝන්හි වන ඝනත්වය 20% පමණ අඩු වෙලා. ඒ සියළුම ප්‍රදේශ සොයා වගාව සඳහා යොදාගෙන. ජීවයේ පවැත්මට අත්‍යාවශ්‍යය ජලය, වාතය, පෘතුවිය හා සූර්යයා අතර බැඳීම මේ නිසා දරුණු ලෙස බිඳ වැටී තියෙනවා. මේ විනාශය සඳහා ප්‍රධාන ලෙසම බලපා තිබෙන්නේ සෝයා බෝංචි, ෆාම් තෙල් හා ලිපි ද්‍රව්‍ය නිෂ්පාදනය සඳහා යොදා ගැනෙන යුකැලිප්ටස් වගාවනුයි. මේවා මගින් වනානතර වල සමතුලිතතාවය බිඳහෙලනු ලබනවා. වනාන්තර ඝනත්වය අඩුවීම මගින් පෘතුවි උෂ්ණත්වය ඉහල යෑම මගින් සිදුවන ප්‍රධාන දෙය නම් මිදුණු ජල ඝනත්ව ප්‍රමාණය ඉතා සීග්‍ර ලෙස පහල යෑමයි.

පෘතුවියේ ඇති සම්පත් වලින් 80% ක් පරිභෝජනය කරනු ලබන්නේ 20% තරම් වූ ජන ප්‍රතිශතයක්.
දියුණු වූ රටවල් දියුණු වෙමින් පවතින රටවල් වෙත ලබා දෙන ආධාර ප්‍රමාණය මෙන් දොලොස් ගුනයක් ඔවුන්ගේ හමුදාමය කටයුතු සඳහා යොදනවනු ලබනවා.
අපවිත්‍ර ජල පරිභෝජනය මගින් දිනකට මිනිසුන් පන්දහසක් පමණ මිය යනවා.
බිලියනයක පමණ ජනයා බීමට පිරිසිදු ජලය හිඟ කමින් පෙළෙනවා.
50% පමණ වූ අතිරිකත ආහාර ප්‍රමාණයක් සත්ව ආහාර ලෙස හෝ ජෛව ඉන්ධන සඳහා යොදා ගැනෙනවා.
හෙක්ටයාර මිලියන දහතුනක වැසි වනාන්තර ප්‍රමාණයක් සෑම අවුරුද්දකම පෘතුවියට අහිමිවෙන්මින් පවතිනවා.
ජෛව ප්‍රභේද වඳවීයෑමේ වේගය ස්භාවධර්මයේ අනුපාතය මෙන් දහස් ගුනයකින් වැඩි වී තිබෙනවා.
මත්ස්‍ය වර්ගවලින් 3/4 වඳවීමේ තර්ජනයට ලක්වී සිටිනවා.
පරිසර උෂ්ණත්වය පසුගිය වසර 15 තුල උපරිමයට ලංවෙලා.
අයිස් ඝනත්වය පසු ගිය වසර හතලිහ තුල 40%න් පමණ අඩුවෙලා. සාගර ජලමට්ටම ඉහල යෑම මගින් ලොව රටවල් ගනනාවක් යට වීමේ අනතුරට මුහුණපා සිටිනවා.

විනාශ වූ දේ ගැන කනගාටු වී පලක් නැත තවත් ඉතුරු වූ දේ ඇත. මානවයා හට නිවැරදි වීම සඳහා තවත් ඉතා සුළු කාලයක් ඉතිරිවී ඇත. ඒ වගකීම ඇත්තේ ඔබ අතේය. සියළු දෑ වගකීමක් ඇතිව පරිභොහෝජනය කරන්න. අවශ්‍ය වන්නේ ඔබගේ වෙනස් වීමයි. ඒසේනම් තවත් ඔබ බලා සිටින්නේ මන්ද?

පසු සටහන,
ඉහත සියළු දත්තයන් හා කෙටි විස්තරය උපුටා ගනු ලැබුවේ "‍Yann Arthus-Bertrand!" විසින් සැකසූ "HOME" නැමති වාර්ථා වැඩසටහනෙනි. වැඩි විස්තර සඳහා එම වාර්ථා වැඩ සටහන නරඹන්නේ නම් ඉතා සුදුසුය.

නිල වෙබ් අඩවිය (www.home-2009.com)

ඔබගේ දායකත්වය ලබා දෙන්න (www.goodplanet.org)

HOME නැරඹීම සඳහා

HOME බාගත කිරීමට:

http://rapidshare.com/files/241349386/HOME.2009.CD1.part1.rar
http://rapidshare.com/files/241349015/HOME.2009.CD1.part2.rar
http://rapidshare.com/files/241349038/HOME.2009.CD1.part3.rar
http://rapidshare.com/files/241348740/HOME.2009.CD1.part4.rar
http://rapidshare.com/files/241349659/HOME.2009.CD2.part1.rar
http://rapidshare.com/files/241349411/HOME.2009.CD2.part2.rar
http://rapidshare.com/files/241349536/HOME.2009.CD2.part3.rar
http://rapidshare.com/files/241348864/HOME.2009.CD2.part4.rar

පොසොන් අසිරිය

2009-06-04T18:06:00.002+05:30

ඒ ක්‍රි.පූ. තුන් වන සියවසයි. අනුරපුර යුගය, දෙවනපෑතිස් රජ සමයයි.විනෝදය පිණිස මුව දඩයමේ යන රජු මිස්සක පව්ව අසලින් මුවකු පසුපස ලුහු බඳී. මිස්සක පව්ව මත කහ වතින් දිලෙන මිහිඳු මහරහතන් වහන්සේය.

"තිස්ස තිස්ස" පව්ව මතින් නැගෙන ශාන්ත හඬකි. රජු නැවතී හැරී බලයි.

"සමණාමයං මහාරාජ ....."

"මහරජ අපි ඔබට අනුකම්පාවෙන් ජම්බුද්වීපයේ සිට මෙහි පැමිණි බුද්ධ ශ්‍රාවකයෝ වෙමු."

රජු අතින් දුනු හී ගිලිහෙයි. මුව පොව්වාගේ දිවි රැකෙයි. අනතුරුව ඉතිහාසයේ අපට හමුවන ප්‍රථම බුද්ධි පරීක්ෂණය ඇරඹෙයි.

'අඹ පැනය', 'ඥාති පැනය'......

පුළුල් බුද්ධිමය සංවාදයකි. ධර්මාවබෝධ ඥානයෙන් යුතු රජුගෙන් සාර්ථක පිළිතුරු.

පොසොන් සඳ එළියෙන් අප හෙළ - බොදු ලකුණ හෙළි කරවමින් "සුළු ඇත් පද උවම් සුතුර" හෙවත් "චුල්ල හත්ථි පදෝපම සූත්‍ර" දෙසුම ඇරඹෙයි.

ඒ රමණීයවූත්, ශාන්තවූත් පිරිත් ස්වරය සිරිලක ජන හදවත් දම් සිසිලෙන් නහවමින් මිස්සක පව්ව මතින් ගලා යයි.

උපුටා ගැනීම : සිංහල විකිපීඩියා

සම්බුදු තෙමඟුල බැතියෙන් සමරමු

2009-05-06T23:28:00.003+05:30

පින්වත් අනුරුද්ධ, තථාගතයන් වහන්සේ දහම් දෙසන්නේ ජනතාව විශ්මයට පත් කරවන්නට නොවේ. ජනතාව සුරතල් කරන්නට නොවේ. ලාබ සත්කාර, කීර්ති ප්‍රසංසා ලබා ගන්නට නොවේ. ජනතාව මා ගැන මෙසේ හඳුනා ගනිත්වා කියා නොවේ. ශ්‍රාවකයන්ගේ මෙලොව පරලොව යහපත පිණිසය. නිවන් මගේ හැසිරෙන්නට උනන්දු කරවීම පිණිසය.

අඳුරු ලොවට එළිය විහිද වූ හිරු කිරණ

2009-05-06T22:36:00.006+05:30

අපි මේ ගෙවාගෙන ආව සංසාර ගමන ගෙවලා තියෙන්නේ බොහොම කරදර මැද්දේ. අපි ඒක දන්නේ බුදුරජාණන් වහන්සේ නමක් පහළ වෙලා අපට කියා දුන්න නිසා. බුදු කෙනෙක් පහළ වෙලා මේ සංසාරෙ නොනවතින ගමන ගැන කියල එක නවත්තන, අවබෝධ කරන්න පුළුවන් කියල කියනකන් ඒ බව මේ ලොකේ කිසි කෙනෙක් දන්නේ නෑ. ඒක නිසා බුදුරජාණන් වහන්සේ නමක් පහළ වෙනවා කියලා කියන්නෙ අඳුරු ලෝකයට හිරු පායනවා වගේ එකක්.

බුදුරජාණන් වහන්සේ පහළ වෙලා මේ ධර්මය කියලා දුන්න නිසා මේ ප්‍රශ්නෙ අපි දැන් දන්නවා. අපි මේ සංසාරේ ආවෙ අපායෙන්, අපායට මාරු වෙවී. අපි බොහෝ කාලයක් ඉන්න ඇති තිරිසන් ලෝකයේ, එකත් ඉවර වුණා. නිරයේ ඉන්න ඇති, ඒකත් ඉවර වුණා. මිනිස් ලෝකෙට ආවා. මෙකත් ඉවර උනොත්? ගෙවාගෙන ආව සංසාරේ අපිට නිවන් දකින ධර්මයක් අනුගමනය කරන්න බැරි උනා. ඔන්න දැන් අපිට අවස්ථාව ලැබිලා තියෙනවා. මේ විදියෙ අවස්ථාවක් අයෙ කොයි කාලෙ එයිද කියල හිතන්නවත් බැරි එකක්. ඒ තරමටම දුර්ලභයි. අපේ වාසනාවට අපේ අතපය හොඳට තියෙනවා. අපට යමක් කිව්වහම තේරුම් ගන්න පුළුවන්කම තියෙනවා. එහෙම නම් අපේ පැත්තෙන් අපි සම්පූර්ණයි.

අපේ වාසනාවට මේ ජීවිතය ගැන කතා කරන ධර්මයක් ඇහෙනවා. ඒ ධර්මය විකෘති වෙච්ච නැති එකක්. ඒ ධර්මය බුදු රජාණන් වහන්සේ නමකගේ ධර්මයක්. ඒ ධර්මය ලැබෙන වෙලාවෙදී අපි ඒ ධර්මය අවබෝධ කරගන්න මහන්සි ගන්න ඔනෑ. මේ අවස්ථාව ගිලිහී ගියොත් අපට මොකක් වෙයිද කියලා කියන්න බැහැ.

ඒ නිසා ජාති, ජරා, මරණ වලින් නිදහස් වීම පිණිස.
රාග, ද්වේශ, මෝහ ප්‍රහානය කිරීම පිණිස.
සක්කායදිට්ඨි, විචිකිච්ජා, සීලබ්බත පරාමාස දුරු කර ගැනීම පිණිස.

මේ ධර්මය තුළින් නුවණ මෙහෙයවීමෙන් උත්සාහයෙන් වීර්යයෙන් යුතුව එක්වරම චතුරාර්ය සත්‍ය පරිපූර්ණ වශයෙන්ම අවබෝධ කර ගන්නවා කියලා හිතට ගන්න නුවණැති සියල්ලන්ටම හැකියාව ලැබේවා!!!

නැවතුම සොයා...

2009-05-06T18:07:00.004+05:30

අලුත් අවුරුද්දේ අලුත් වීම

2009-04-21T10:13:00.007+05:30

බක්මහ උළෙල, සූර්ය මංගල්‍ය ආදී නම් වලින් හැඳින්වෙන ශ්‍රී ලංකාවේ අලුත් අවුරුද්ද පිළිබඳ කෙටි සටහනක් තියන්න හිතුවා. මෙහිදී පළමුව මෙම සංස්කෘතික උත්සවය ගැන හැඳින්වීමකුත් පසුව වර්ථමානයේ එහි හැඩයත් විමසා බලන්න උත්සාහ කරමු.

සිංහලයන්ගේ අලුත් අවුරුදු උදාව සැමරෙන මෙම උත්සවය බොහෝ දෙනෙකු සිතා සිටින්නේ ඉන්දියාවෙන් අපට ලැබුනු බවකි. නමුත් එය රවණා අධිරාජයා ජීවත් වූ යුගය කරා යන්නකි. එකල හෙලයා හිරු දෙවියෝ ඇදහූ යුගයකි. මෙම කාල වකවනුව සූර්‍යයා ශ්‍රී ලංකාවට ලංවීයාම නිසා හෝ වෙනත් හේතුවක් නිසා හෝ මෙම කාල වකවානුව ඊට යොදා ගන්නට ඇත. මෙය හෙලයා විසින් අවුරුදු 5000ට අධික කාලයක් පවත්වා ගෙන එන අතර රාවණා අධිරාජයා හා ඉන්දියාවේ රාම කුමරු අතර පැවති සටනින් පරාජයවීමෙන් අනතුරුව ඉන්දියාවේ ඇති සංකෘතික ලක්ෂණ මෙම උත්සවය අවශෝෂණය වන්නට ඇත.

වර්තමානයේ සිංහල අලුත් අවුරුද්දට ජ්‍යොතිෂවිද්‍යාව හැරුණු විට ප්‍රධාන වශයෙන් බලපා ඇත්තේ බුදු දහමයි (බුදුරජානන් වහන්සේ ජ්‍යොතිෂවිද්‍යාව බැහැර නොකලත් එයින් ජීවිතාවබොධයට පිහිටක් ලබාගත නොහැකි බැවින් ජ්‍යොතිෂවිද්‍යාව සරණ නොයන ලෙස අනුශාසනා කල සේක).

අලුත් අවුරුදු උදාවට ප්‍රථම පැමිණෙනෙන කාලය වෙන් කොට ඇත්තේ ආගමික කටයුතු සඳහාය. මෙය පුණ්‍ය කාලය ලෙස හඳුන්වයි. වසරේ අනෙකුත් දින වැස්සකට පවා පන්සල් නොයන අය මෙදින තෙල්, මල්, හඳුන්කූරු රැගෙන පවුලේ අය සමග පන්සලට යනු දැකිය හැක. අවුරුදු ලං වෙන විට ගෙවල් දොරවල්, බඩු මුට්ටු, අලුත් ඇදුම් පැලදුම් ද පවුලේ සාමාජිකයන් උදෙසා මිලදී ගැනීමට අමතක නොකරයි.

අලුත් අවුරුදු උදාවත් සමග ඉන්පසු පැමිණෙන්නේ ආහාර අනුභවය හා ගනුදෙනු කිරීමයි. මෙහිදී වසර පුරා තම අවශ්‍යතාවයන්ට ජලය සැපයූ ලිඳ සමග ගනු දෙනු කිරීම ප්‍රථමයෙන් සිදු කරන්නේ අප මහා බෝසතානන් වහන්සේ බුද්ධත්වයට පත්ව. ඒ සඳහා තමන් වහන්සේට සෙවණ සැලසූ ඇසතු බෝ රුක වෙත කල අනිමිස ලෝචනය සිහි කරමිනි. ඉන්පසු පවුලේ සැවොම එකට හිඳ ආහාර ගෙන වැඩිහිටියනට බුලත් හුරුල්ලක් දී වැඳ නමස්කාර කරනු ලබයි.

ඉන්පසු උදාවෙන හිසතෙල් ගෑමේ උත්සවයේ දී පවුලේ වැඩි හිටියෙකු විසින් සියළුම දෙනාගේ හිසට නානු ගා දීර්ඝායුෂ ප්‍රාර්ථනා කරනු ලබයි (අතීතයේදී මෙන්ම තවමත් සමහර පලාත්වලදී මෙම උත්සවය සිදු වන්නේ ගම පන්සලේදීය). අවුරුදු සමයේ අසල් වාසීන්ට හා නෑදෑ හිතමිතුරන්ට කැවිලි පිඟානක් ගෙනයාම මගින් බුදු දහමේ ඇති දානයේ වැදගත් කමද මනාව ඉස්මතු කරයි.

මේ ආකාරයෙන් අතීතයේ සිට ගලා ආ අලුත් අවුරුදු සමයට වර්ථමානයේ සමාජීය වෙනස් වීමක් සමගම ඇතිවී ඇති වෙනස් කම් හා ඇතුළු වී ඇති නව අංග ගැන විමසා බලමු. මේ ගැන කදිම විග්‍රහයක් කර තිබුනේ ආචාර්‍ය ධම්ම දිසානායක මහතාය. "අද ගමට අවුරුද්ද ගෙන එන්නේ නගරයෙනි. නගරයේ නෝනලා පැමිණ ගමේ තරුණ ගැටිස්සියන්ට රබන් කවි කියමින් රබන් ගසන්නට උගන්වති. බොහෝ විට මේ සඳහා රබන් ගෙන එන්නෙද නගරයෙනි. අවුරුද්ද පුරා ජීන්ස් ඇන්ඳ එම ලඳුන්ට එදිනට රෙද්ද හා හැට්ටය ඇඳීමට උගන්වති" යයි එතුමා කීවේය.

අවුරුදු උත්සව සංවිධානය කරනු ලබන්නෙද මහා පරිමාණ වෙළඳ ආයතන විසිනි. ඉන්පසු අවුරුදු උත්සවය කෙසේ වෙතත් ඔවුන්ගේ වෙළඳ ප්‍රචාරණ උපක්‍රමයක් බවට පත්කරනු ලබයි. සමහරු පවත්වන්නේ අවුරුදු උත්සව වෙනුවට අවුරුදු සැනකෙලිය (සැනකෙලි යනු බටහිරයන්ගේ විසින් ඔවුන්ගේ විනෝදය උදෙසා පවත්වනු ලබන්නකි. එහි අලුත් අවුරුදු උත්සවයක ඇති හරයක් දක්නට නොමැත). මෙම සංවිධයාකවරු අවුරුදු අංග තෝරාගන්නේ ඔවුනට හා අනෙකුන්ට විනෝදය ගෙන දෙන එවා පමණි. සාමය, සතුට, සෞභාග්‍ය අතහැර විනෝදය පමණක් එක් කරයි (සතුට යනු විනෝදය නොවේ). එය ඔවුන්ගේ මඩි තර කර ගැනීමේ තවත් එක් උත්සාහයක් මිස වෙන යමක් නැත.

අප අපගේ වටිනා සංස්කෘතිය රැකගෙන අනාගත පරපුරට ද උරුම කර දුන්නා යැයි මුලාවෙන්ම මෙවර අවුරුද්ද සැමරුවෙමු.

ප. ලි. - මේ අල්ලපනල්ලේ බස්නාහිර පලාත් සභා ජන්දයද ලඟ ලඟම එයි. මේ ගැන මසුරන් කතාවත් කරු පරණවිතාන මහතා කියා තිබුනි. එනම් මෙවර සිටිනා සියළුම ජන්ද අපේක්ෂකයෙකුගේම (මොන "බයිලා" කිව්වත්) සටන් පාඨය වී තිබුනේ "මට ජය වෙවා" යනුවෙනි.

මමත්වය ඉතා දරුණු ලෙස හිස ඔසවා ඇත.

Surplus

2009-04-06T17:04:00.007+05:30

"අද ගැන හිතපං, හෙට යකාට ගියදෙං" යයි කිව්වේ ජිප්සීස් ගායක කන්ඩායමේ සුනිල් පෙරේරාය. ඔහු කියූ ලෙසම හෙට යකාට යමින් හෝ ගොස් ඇත.

අධි පාරිභෝගික සමාජය විසින් පරිසරය, මිලියන ගනනක් වූ ගහ කොල, සතා සිව්පාවුන් විනාශ කොට ඇත. සාගර, ගඟා, විල් විෂ වලින් පුරවා ඇත. වාතය දූෂණය කර ඇත. මුළු වායුගෝලයම කාබන්ඩයොක්සයිඩ් හා අනෙකුත් හානිකර වායූන්ගෙන් පුරවා ඇත. ඕසෝන් ස්ථරය සුන් කර ඇත. තෙල්, ගල් අඟුරු හා අනෙකුත් ඛනිජ ද්‍රව්‍යන් හිස් කරමින් පවතී. අපගේ සහ ඔවුන්ගේ වනාන්තරද විනාශ කර ඇත. තවත් අපට ඉතුරුවී ඇත්තේ මොනවාද?

මේ ගැන හොඳ කතා බහක් තියෙන වාර්තා වැඩසටහනක් බලන්න ලැබුනා. ඉතිං ඒ ගැන පුංචි සටහනකුත් තියන්න හිතුනා. මේ වාර්තා වැඩසටහනේ නම තමයි Surplus Terrorized Into Being Consumers. Erik Gandini විසින් මෙය අධ්‍යක්ෂණය කර තිබෙනවා.

මෙහිදී ප්‍රධාන වශයෙන් අදහස් දක්වන්නේ John Zerzan කියන මේ ධනවාදී අර්ථික රටාව විවෙචනය කරන ලේඛකයෙක් විසින්. ඔහු කියන්නේ,

"ඇයි මිනිස්සු මේ සමාජ රටාවට එරෙහිව තමන්ගෙ විරුද්ධත්වය පල කොට එයට එරෙහිව යමක් කිරීමට උත්සාහ කරන්නේ?"

"ඒක මෝඩ ප්‍රචන්ඩත්වයක් වෙන්න බෑ."

"මෝඩකම කියන්නේ කමින්, බොමින් එම්. ටී. වී බලමින් ඔහේ තමන්ගෙ රැකියාව කරමින් ඉන්න එකට." (අපේ අය එම්. ටී. වී වෙනුවට සිරස කියල දාගන්න).

දැන් දැන් මිනිසුන්ට තේරිලා තියෙන්නේ මේ අධි පාරිභෝගික රටාව තුල තියෙන හෙම්බත් වීම. අපරදිග කාලයක් පුරා ඇති දැඩි වී හැදුන මේ ධනවාදය පෙරදිගටද ව්‍යාප්ත වෙමින් පවතිනව. මේ සඳහා දැඩි බලපෑමක් කරන්නේ තත්පර 30 වෙළඳ දැන්වීම කියල තමයි මෙහිදී කියන්නේ. මෙකට හොඳ ඌනපූර්ණයක් තියෙනවා System Of A Down කියන සංගීත කන්ඩායම ගායනා කරන Violent Pornography කියන ගීතයෙ.

ඇමරිකානුවන්ගේ අධි පාරිභෝගික රටාව කදිම නිදසුන් කීපයකින් පැහැදිලි කරනවා මෙන්න මෙහෙම,

“The average North American consumes 5 times more than the Mexican. 10 times more than a Chinese person. and 30 times more than a person from India.”

“We are 20 per cent of the people of the world. yet we consume 80 per cent of the world's resources. This level of consumption is simply not sustainable. if we continue to consume at this rate then eventually we're going to hit the wall.”

මේ වාර්තා වැඩසටහනේදී George W Bush, Tony Blaire වැනි දේශපාලකයන්ට මෙන්ම Bill Gates, Steve Ballmer වැනි පුද්ගලයන්ටද ඔවුන්ගේම අදහස් වලින් ඉතා අපුරුවට උපහාසයට ලක් කොට තිබෙනවා(ඌරගෙ මාළු ඌරගෙ පිටේ තියලම කපනවා).

කියුබානුවන්ගේ අපුරු ආදර්ශපාඨයකුත් තියෙනව මෙන්න මෙහෙම,
“CONSUME ONLY THE NECESSARY”

හැබැයි මේ මහත්වරුන් මේකට විසඳුම විදියට තෝරගෙන තියෙන්නෙ ලතින් ඇමෙරිකානු රටවල් ප්‍රධාන කරගෙන තියෙන සමාජවාදය. මම නම් දකින්නේ සමාජවාදය කියන්නේ ධනවාදයට විරුද්ධව ඉදිරිපත් වුන දෙයක් මිස මේ ප්‍රශ්නයට නියම විසඳුම ලෙස නෙමයි. ඔවුන්ට ස්ථීර විසඳුමක් අව්ශ්‍ය නම් පෙරදිග චින්තනයෙන් හොයා ගන්න පුළුවන් කියන එකයි මගේ හැඟීම. මොකද බටහිරයෝ මේ ගමන ඇරඹුවෙ පරිසරය අභිබවා යන්නේ කෙසේද? කියන සංකලිපයේ ඉඳන්. පෙරදිග මිනිසුන් ජීවත් වූයේ පරිසරය සමග සහජීවනයෙන්.

අවසාන භාගයෙදි තවත් අපූරු අදහසක් ඉදිරිපත් වෙනවා මේ විදියට,
In this new world, the people would get back their own culture again. we will have a new set of values. There will be a paradigm shift. A big global mind shift,
Where people will suddenly say: "I don't want a fancy car".
Where people will suddenly say: "I don't want another Big Mac".
Where people will suddenly say: "I don't want to wear any Diesel jeans".
Where people will suddenly say: "I want to have a simple, fulfilling life".
Where people will suddenly say: "I want to have a simple, fulfilling life".

ඇත්තටම මේ ධනවාදය තුල මනුෂ්‍යත්වයට සත පහක හෝ වටීනාකමක් නෑනේ. සල්ලි හම්බවෙනව නම් ඒ වෙනුවෙන් තමන්ගේ දෙමව්පියො උනත් යොදාගන්න මෙවුන් පසුබට වෙන්නෙ නෑ. තවත් අපූරු දෙයක් තියෙනවා. ඒ තමයි වර්තමානයේ බටහිර රටවල් දරුණු ආථික කඩා වැටීමකට ලක්වෙලා තියෙනවා. ඒ ගැන මෙහි කතා වුනත් මේ වාර්තා වැඩසටහන නිෂ්පාදනය කරල තියෙන්නේ 2003 වර්ෂයෙදී.

මේ ඇසෙන්නේ සුපිරි රටවල, සුපිරි මාලිගාවල දිවි ගෙවන සුපිරි මිනිසුන්ගේ ජීවිතවල අඳෝනාව ද?

මෙතන දක්වලා තියෙන්නෙ බොහොම දල විස්තරයක්. අවශ්‍ය කෙනෙකුට පහත යොමුවෙන් එය බාගත කරගෙන බලන්න පුලුවනි.

සෘජු බාගතකිරීමට
ඉංග්‍රීසි උපශීර්ෂය

වැඩි විස්තර සඳහා:
IMDB
Wikipedia

ප. ලි.
මේ සටහන ලියන කොට අහම්බෙන් වගේ දැක්ක බුලත් විටක් ඔතපු කොළ කෑල්ලක මෙන්න මෙහෙම ලියල තිබුනා.

මතු දැක්වෙන ප්‍රකාශ සමග ඔබ එකඟ වන්නේද? හේතු දක්වන්න.

වෙළදපොල ධනවාදී ආර්ථිකයක් තුල රජයට අයත් කාර්ය්‍යක් නොමැත.

නූතනයේ සෑම ධනවාදී ආර්ථිකයකම පාරිබෝගික ස්වාධිපත්‍යක් පවතී.

සමාජවාදී ආර්ථිකයක මිලට හා ලාභයට අයත් කාර්ය්‍යක් නොමැත.

ධනවාදී අර්ථිකයක මිල තීරණය වන්නේ වෙළෙඳපොල බලවේග මත පමණි.

ඇදහීම හා සරණයෑම

2009-03-31T20:07:00.009+05:30

අපේ සමාජය දිහා බැලුවම පේන්න තියෙන දෙයක් තමයි අපෙ උදවියෙන් බොහෝ දෙනෙකුට ධර්මය මතක් වෙන්නේ විපතක් හෝ කරදරයකට පත් උනහම. මේ කියන දෙය හැමොටම අදාල නොවෙන්න පුලුවන් හැබැයි බහුතරය මේ වගේ.

මෑත කාලීනව උන සිදුවීම් දෙකක් දැක්කට පස්සෙයි මට මේක ලියන්න හිතුනෙ. එකක් අපේ ක්‍රිකට් කන්ඩායම අවසනාවන්ත ලෙස ත්‍රස්තවදී ප්‍රහාරයකට ලක් වීම. අනික උපුල් ශාන්ත සන්නස්ගලට සිදු කල හදවත් සැත්කම.

පලමු කාරණයේදී අපිට උනේ කල ගුණ සලකන්න ගිහින් කෙල වෙන්නෙ නැතුව යන්තම් බේරිලා එන්න. කොහොම හරි අපේ කට්ටිය ගුවන් තොටුපොලට ඇවිල්ල එහිදී තියපු මාධ්‍ය සාකච්චාවෙදි මහේල ජයවර්ධන පැවසුවේ "මම බෞද්ධයෙක් වශයෙන් අපි බේරුනේ පෙර කල පිනකට කියා සිතනවා" කියල. ඒ කතාවෙ වරදක් නෑ කියමු.

වඩා දරුණු ප්‍රකාශය කරල තිබ්බේ උපුල් ශාන්ත සන්නස්ගල. ඔහුගේ සැත්කමෙන් පස්සේ පුවත් පතක් එක්ක කරල තිබ්බ සම්මුඛ සාකච්චාවකදි මෙයා කියල තිබ්බා මෙන්න මෙහෙම "ඉස්සෙල්ල ගිය බස් එකෙන් මාව දාල ගියා. ඊට පස්සේ ආපු බස් එකේ මම එල්ලුනා. මෙකෙ කලින් බස් එකේ කරපු කිසි දෙයක් කරන්න බෑ. මේක බොහොම බෞද්ධ බස් එකක්. මස් මාළු නෑ එළවළු විතරයි කන්න පුලුවන්"

මෙයා හිතනවද දන්නේ නෑ බෞද්ධයෙක් වෙන්නේ නිර්මාංශ උනාම කියල. එක අතකට මෙතුමා මේ වගේ දෙයක් කිව්ව කියල පුදුම වෙන්න දෙයකුත් නෑ. පංතිවල සිංහලත් එක්ක කුනුහරුප උගන්න පුලුවන් කෙනෙක් ගැන කුමන කතාද?

නැවත ප්‍රධාන මතෘකාවට ආවොත්, ඕනිම කෙනෙක් අසරණ උනාම අන්තිමත පිහිට හොයන්නේ ධර්මයෙන්. ඒකට දොසක් කියන්න බෑ. වරද තියෙන්න ඒ කාරණය මතක් වෙන්නේ ඒ වගේ තත්වෙට පත් උනහම විතරක වීම. අන්න ඒතකොට බොධි පූජා, සෙත් කවි, දාන මෙකී නොකී හැම දෙයක්ම් බලෙන් කරන්නේ, ඊට පස්සේ අයේ අර පරණ තැටිය දානවා. නිතරම ධර්මයට අනුව ජීවත් වෙනව නම් ඒ කෙනාව අසරණ උන වෙලාවක උනත් ලේසියෙන් වැටෙන්නේ නෑ. ඒක හරියට මෙන්න මේ වගේ දෙයක්, විශාල වශයෙන් කැළඹෙන විලකට ගලක් වැටුනාම ඒ විල තවත් වේගයෙන් කැළඹෙනවා. නමුත් නිශ්චල විලකට ගලක් වැටුනත ඒ වගේ තදින් කැළඹෙන්නේ නෑ, ඒ වගේම නැවත ඉක්මනින්ම නිශ්චලතාවයට පත්වෙනවා.පෘතජනයාගෙ හිත මෙන්න මේ චංචල විල වගේ. හැම තිස්සේම කැලඹි, කැලඹි තියෙන්නේ.

ඉතිං ධර්මය ඇසුරෙන් අපිත් අපේ සිත් නිසල විලක් කර ගනිමු. එනම් ඇදහීම නොව සරණයම අපේක්ෂා කරමු.

නිදහසක්

2009-02-02T11:25:00.005+05:30

පැවිදි පිංකම

2008-12-31T11:04:00.006+05:30

කාලෙකින් මොකුත්ම ලියන්නත් බැරි උනා වැඩ අධික කම නිසාම. මේ ටික ලියන්නත් වෙලාව හොයා ගත්තා බොහොම අමාරුවෙන්. පහුගිය 28 වෙනිදා බොහොම පිංවන්ත වැඩසටහනකට සහභාගී වෙන්න අවස්ථාව ලැබුනා. ඒ තමයි ගිහි දරුවන් 60 දෙනෙකු පැවිදි වීමේ අවස්ථාව. මේ වැඩසටහට පැවත්වුනේ හොරණ මහමෙව්නා භාවනා අසපුවේදී. විශාල පිරිසක් සහාභාගී වෙලා හිටියා. මේහි තවත් විශේෂත්වයක් තිබුනා, ඒ තමයි දෙමළ ජාතික පිං වතෙකුත් පැවිදි වීම. බුද්ධ සාසනය තුල ජාති, කුල භේද නොමැති බවට මෙය හොද සාධකයක්. මේ බුද්ධ පුත්‍රයානන් වහන්සේලාට ඒ පිරිසිදු බුද්ධ වචනය ලොව පුරා පතුරුවන්ට ශක්තිය, ධෛර්යය ලැබේවා!!!

පහත තියෙන්නේ එදින වැඩසටහනේ ජායාරූප කිහිපයක්

Horana - 28th December 2008

මව්බිම රැකුමට

2008-11-03T11:56:00.006+05:30

ආගන්තුකයා

2008-10-31T11:24:00.009+05:30

සමාජය සංකීර්ණවත්ම මිනිසුන්ගේ කාර්ය බහුලත්වයද ඉහල යයි. කාලය සීමාසහිත බව නිසා පීඩාවට පත්වන ඔවුන්ගේ සිය මානුෂීය ගුණාංග පහලට වැටෙන අත‍ර එය නූතන සමාජ පිරිහීමට සෘජුව බලපා ඇති බවක් දැකිය හැක. මෙවන් සමාජයක මනුෂ්‍යත්වය පිළිබඳ නැවත මතක් ක‍ර දෙන අපූරු සිනමා සිත්තමක් බලන්න ලැබුනා. තමන්ගේ මානුෂීය ගුණාංග ගැන නැවත ව‍රක් හිතල බලන්නත් එක්ක ඒ ගැන පොඩි සටහනක් තිබ්බොත් හොඳයි කියල හිතුනා. කථාව කෙටියෙන් කියනව නම් මෙහෙමයි,

වෝල්ටර් වැලේ කියන්නේ අවුරුදු 62 ක් පමණ වයස මැන්හැටන් පාසලක ආර්ථික විද්‍යාව පිලිබඳ මහාචාර්යව‍රයෙක් ඒ වගේම ග්‍රන්ථ ක‍තෘව‍රයෙක්. දිනක් ඔහු ඔහුගේ නවාතැනට එන විට එහි තරුණ යුවලක් නැවතිලා ඉන්නවා. බලනකොට වෝල්ටර්ගෙ නවාතැන මේ අයටත් විකුණලා ගෙවල් භාරකාර කපටි මනුස්සයා. කොහොම හ‍රි දෙගොල්ලොම ආරවුල සමථයකට පත් ක‍රගන්නවා. වෝල්ටර් කරුණාවන්තකම නිසා යන එන මං නැතිව හිටපු මේ තරුණ ආද‍රවන්තයන්ටත් තාවකාලිකව නිවසේ නවතින්න අවස‍ර ලබා දෙනවා. ඒ යුවලගෙන් පිරිමියා තමයි ට‍රක් කියන්නේ ඔව්හුගේ උපන් බිම සිරියාවව මොහු විනොදාංශය මෙන්ම රැකියාව වශයෙනුත් ක‍රන්නේ "ජිම්බේ" කියන අප්‍රිකානු බෙරය වාදනය කිරීම. ඔහුගේ පෙම්වතිය සයිනඔ සෙනගාලේ කාන්තාවක් ඇය ක‍රන්නේ ආභ‍රණ හදලා විකුණන එක. මේ දෙන්නට තව ගැටළුවක් තියෙනවා ඒ තම්යි දෙන්නම් අනවස‍ර සංක්‍රමනිකයෝ.

මෙහෙම ඉන්නකොට ට‍රක් විසින් වොල්ටර්ට බෙර වයන්න පුහුණු කරනවා. දවසක් මේ දෙන්නා නග‍රයේ උද්‍යානයට ගිහිං බෙර වාදන පුහුණු වීම වල යෙදිලා උමං දුම්රියෙන් නවාතැනට එන්න හදන කොට ට‍රක්ව පොලිසියෙන් අත්අඩංගුවට ගන්නවා අනවස‍ර සංක්‍රමනිකයෙක් නිසා. ඉන්පසුව ට‍රක්ව නිදහස් ක‍රගැනිමේ මෙහෙයුම ඉතා නිවී සැනසිල්ලේම වොල්ටර් විසින් දියත් ක‍රන්නේ ඔහුගේ පෙම්වතියටද කිසිදෙයක් ක‍ර ගැනීමට නොහැකි නිසාවෙන්. මේ අත‍ර ට‍රක්ගේ මව මොවුනා ඔහුව සොයා වොල්ටර්ගේ නිවසට පැමිනෙනවා. ඇගේද, ට‍රක් ගේ පෙම්වතියගේද එකම ගැලවුම්කරු වන්නේ වොල්ටර්. මොවුන් දෙදෙනාගේද දුක සැප බලමින් ට‍රක්ව නිදහස් ක‍ර ගැනීමට වෝල්ටර් උත්සහා කලත් අවසානයේදී ට‍රක් එරටින් පිටුවහල් කරනවා ඔවුන්ටත් නොදන්වාම.

මෙහෙම තමයි කථාව ගලාගෙන යන්නේ. මේ චිත්‍රපටියෙ පැහැදිලිව දක්නට පුලුවන් විශේෂතා කීපයක්ම තියෙනවා. චිත්‍රපටිය පුරා කිසිම කලබලකාරී බවින් තොරව නිදහසේ ගලාගෙන යෑමක් තියෙනවා. එලෙසෙම මෙහි ඇති ච‍රිතත් කිසිම කලබල බවින් තොර බොහොම නිවුන ච‍රිත. වැදගත්ම දේ තමයි වෝල්ටර් ගේ ච‍රිතය තුලින් මතුවෙන මානුෂීය ගුණාංග. එය චිත්‍රපටිය පුරාම විටින් විට ඉස්මතුවන අවස්ථා ගනනාවකින්ම දක්වා තියෙනවා. නූතන සමාජයෙන් ගිලිහී යන ගුණාංගයක් ගැන ලස්සනට කතා ක‍රල තියෙනවා වගේම කතාව නිම ක‍රන්නේත් අවසානයක් නොමැතිව ප්‍රේක්ශකයාටත් හිතන්න යමක් ඉතුරු ක‍රමින්.

අහම්බෙන් හිමිවූ වාසනාව

2008-10-27T12:19:00.006+05:30

මිනිස් බවයක් ලැබීම ගැන බුදු රජාණන් වහන්සේ ලස්සන උපමාවකින් පැහදලා දීල තියෙනවා. දවසක් බුදු රජාණන් වහන්සේ පාදයෙන් නිය මතුපිටට පස් ස්ව්ල්පයක් ගෙන "ආනන්ද, මේ මාගේ නිය මතුපිටට ඇති පස් ප්‍රමාණයද විශාල මේ මහපොළොවේම ඇති පස් ප්‍රමාණයද?" කියා ව්මසුවා. එවිට ආනන්ද හාමුදුරුවෝ "ස්වාමීනී, මේ මහ පොළොවේ ඇති පස් ප්‍රමාණය ඔය නියමතුපිට ඇති පස් ප්‍රමාණය වඩා බොහෝ විශාලයි" යනුවෙන් පැවසුවා. එවිට බුදු රජාණන් වහන්සේ "ආනන්ද මෙන්න මේ නියමතුපිට ඇති පස් ප්‍රමාණය වගේ සුලු අවස්ථාවක් තමයි තියෙන්නේ මිනිසෙකු මිය ගිය පසු නැවත මිනිස් භවයක් ලබා උපදීමට".

දැන් බලන්න අද කාලේ මිනිසෙක් වෙලා ඉපදුනාම එයාට තියෙන බලාපොරොත්තු මොනවද?
මුලින්ම හොඳ පාසලකට ගිහින් හොදට ඉගෙන ගන්නවා. ඊට පස්සේ වැඩි දුර අධ්‍යාපනයට යොමුවෙලා හොඳ රැකියාවක් හොයාගෙන සල්ලි ටිකක් හම්බක‍රල ඊලගට විවාහ වෙනවා. ඊට පස්සේ දරු මල්ලො හදාගෙන ජීවත් වෙන එක තමයි එයාගෙ අරමුණ. ඉතිං මේ වගේ ජීවිතයක් ගෙවන ඔහු සෝවන්, සකෘදාගාමී, අනාගාමී, අරහත් වෙන්න ඔනි කියල අංශුමාත්‍රයක හෝ අරමුණක් ඇතිවෙන්නේ නෑනේ. ධර්මය යන්තම් හෝ දන්න කෙනා නම් මේ ගැන දන්නව. අද මේ තියෙන ධර්මය අපිට ලැබුනේ අහම්බෙන් ලැබුන වාසනාවක් නිසා. ඒක බොහොම ලස්සන වගේම දුකත් හිතෙන කථාවක්.

මීට අවුරුදු 2000 ට විත‍ර ඉස්සර ලංකාවට වැඩම ක‍රපු මිහිදු මහ‍රහතන් වහන්සේ විසින් දේශනා කරන ලද බුද්ධ ධර්මය මෙහෙ ස්වාමීන් වහන්සේලා කට පාඩමින් තමයි රැකගෙන ඉඳල තියෙන්නේ. කාලයක් ලංකාවේ දුර්භික්ෂයක් ඇතිවෙලා තියෙනවා. ඒ කාලේ කුසට‍ කිසිම ආහාරයක් නැතුව 12,000 ක් පමණ රහතන් වහන්සේලා පිරිසක් සිතුල් පව්ව උඩ පිරිනිවන් පාල තියෙනවා. මේ නිසා ඉතිරි ස්වාමින් වහන්සේලාගෙන් කොටසක් දකුණු ඉන්දියාවට වැඩමක‍රල. ලංකාවේ උන්නු ස්වාමින් වහන්සේලා පිරිස වෙරළට ඇවිල්ලා වැටකෙයියා ගස් මිරිකලා ගත්තු යුෂ වළඳලා දිවි රැකගෙන තමයි මේ ශ්‍රී සද්ධර්මය කට පාඩමින් රැකගෙන තියෙන්නේ.

දුර්භික්ෂ සමය අවසන් උනාට පස්සේ දකුනු ඉන්දියාවට වැඩිය ස්වාමීන් වහන්සේලා පිරිස නැවත ලංකාවට වැඩම කලා. ඊට පස්සේ දෙපිරිස එකතුවෙලා ධර්ම දැනුම පිළිබඳව පරීක්‍ෂා කලාම(ධර්ම සංගායනාව) දෙගොල්ලන්ගෙම දැනුම නිවැරදිව තිබුනා. ඉතිං මේ රහතන් වහන්සේලාට ලොකු අවදානමක් දැනුනා "මේ වගේ අනතුරක් අනාගතයේදී ඇතිඋනොත් මෙලෙසම බුදු දහම රැකේවිද?" කියලා.

ස්වාමීන් වහන්සේලා, රහතන් වහන්සේලා එකතුවෙලා "අප මුලින් රැකිය යුත්තේ ප‍රියාප්තිය ද?, ප්‍රතිපත්තියද ?" ඒ කියන්නේ බුද්ධ වචනයද? නැත්නම් එය අනුගමනය කිරීමද? කියලා සාකච්ජා කලා. කොටසක් පැවසුවා ප‍රියාප්තිය කොච්චර තිබුනත් වැඩක් නෑ ප්‍රතිපත්තියයේ යෙදුනොතින් තමයි මේ ධර්මය රැකෙන්නේ කියලා. එතකොට එතන වැඩ සිටපු රහතන් වහන්සේලා නැගී හිටලා පැවසුවා "නෑ, ප්‍රතිපත්තිය අපට හ‍රිගස්ස ගන්න පුලුවන් හ‍රියට ප‍රියාප්තිය තියෙනවා නම්".

ඊට පස්සේ තීරණය කලා කට පාඩමින් ගෙන ආපු බුද්ධ වචනය ලියන්න ඕන කියලා. දැන් පාලි භාෂාව කට පාඩමින් දන්නවා නමුත් පාලි අකුරු දන්නේ නෑ ඒක නිසා පාලි වචන සිංහල අකුරු වලින් ලිව්වා. මේන්න මේ හේතුව නිසා තමයි පාලි භාෂාවට අකුරු නැත්තේ. ඔන්න ඔය ආකාරයට තමයි මාතලේ අළු විහාරයේදී ත්‍රිපිටකය ග්‍රන්ථාරූඪ ක‍රන්න මූලික අඩිතාලම වැටුනේ. ඊට පස්සේ තමයි තායිලන්තය, බුරුමය ආදී රටවල් ඒ අයගේ අකුරු වලින් ත්‍රිපිටකය ප‍රිවර්ථනය කලේ.

බලන්න, නැතිවෙන්න ඔන්න මේන්න කියල තිබිලා අපේ වාසනාවට නූලෙන් බේරුනා. අන්න ඒකයි මේක අහම්බෙන් ලැබුන වාසනාවක් කියල මුලදිම සදහන් කලේ. එහෙම ලැබුන වාසනාවටත් පයින් ගහනවා කියන්නේ ඒක ඒ පුද්ගලයගේම අවාසනාව තමා ඉතිං.

෴෴෴෴

පැවැත්ම

2008-10-23T20:00:00.002+05:30

නිරාමිෂ සුවය

2008-10-21T20:05:00.002+05:30

ක්‍ෂණ සම්පත්තිය

2008-10-20T10:13:00.005+05:30

වස්සානය අවසන් උනා විත‍රයිනේ. එක නිසා තවත් ධර්ම කරුණක් ගැන කියන්න හිතුනා. ධර්මය ඇති කලද මිනිසුන්ට එහි අගය, වටිනාකම නොතේරෙනව නම් ධර්මය නැති කල කුමන කථාද?

ක්‍ෂණ සම්පත්තිය ඇතිවෙන ආකාරය
බුදුරජාණන් වහන්සේ පෙන්වා දී ඇති ආකාරයට එය ඇතිවන්නේ මෙසේයි,
බුදුරජාණන් වහන්සේ නමක් මෙලොවට පහල වී දෙව්, මිනිසුන්ගේ හිත සුව පිණිස ධ‍ර්මය දේශනා ක‍රන විටකදී හෝ එම බුද්ධ දේශණාවල් ඉගන ගත් ශ්‍රාවක වහන්සේ නමක් විසින් එම ධර්මය දේශණා ක‍රන විටකදී අපට ක්‍ෂණ සම්පත්තිය ඇති වේ.

ක්‍ෂණ සම්පත්තිය අහිමිවන ආකාරය
දැන් අර කලින් කියපු විදියට බුදුරජාණන් වහන්සේ නමක් හ‍රි ශ්‍රාවක වහන්සේ නමක් හ‍රි ධර්මය දේශණා ක‍රද්දි ඒ ධර්මය අවබොධ ක‍රන්න උවමනාවක්, ආසාවක් තියෙන පුද්ගලයා ඉන්නේ,

නිරයෙ(අපාය) නම්.
තිරිසන් සත්තු අත‍ර ඉපදිලා නම්.
පෙරේත ලෝකෙක නම්.
ධර්මය ඇහෙන්නෙ නැති ලෝකෙක(සමහ‍ර බ්‍රහම ලෝක, පිට සක්වල) නම්.
ධර්මය ඇහෙන්නේ නැති පලාතක නම්.
ධර්මය ඇහෙන නමුත් අවබෝධ කිරීමට නොහැකි(මන්දබුද්ධික) නම්.
ධර්මය ඇහෙන නමුත් එයට විරුද්ධ(විවිධ දෘශ්ඨි වල එල්බගෙන සිටින) නම්.
අවබෝධ කල හැකි මුත් ධර්මය නොමැති නම්.

මේ සියලුම දෙනාට ක්‍ෂණ සම්පත්තිය අහිමි වෙනවා.

විස්ත‍ර ඇතුව කියනව නම්,

නිරයේ, තිරිසන්, පෙරේත ලෝක වල ඉන්න අයට චතුරාර්ය සත්‍ය. ගැන කිව්වට වැඩක් නෑ. මොකද ඔවුන්ට එය තේරුම් ගැනීමට නොහැකි නිසා.

බ්‍රහම ලෝක වල හෝ පිට සක්වල තියෙන ලෝකෙක කෙනෙක් ඉන්නව නම් එයාට මේ ලෝකෙ තියෙන ධ‍ර්මය අහන්න බැහැ. මේකෙන් එක දෙයක් පැහැදිලි වෙනවා ඒ තමයි ධ‍ර්මය අහන්න වාසනාව තියෙන්නේ බොහොම සුළු පිරිසකට පමණයි කියන එක.

ඒ වගේම කෙනෙක් ඉන්නවා නම් ධර්මය ඇහෙන්නේ නැති පලාතක ඔහුටත් ඉතින් ධර්මය අවබොධ ක‍රන්න බැහැනේ. එහෙම බැලුවහම මේ ලොකයේ ධර්මය ඇහෙන්නේ නැති රටවල්, පලාත්ම නේ වැඩි. ඒක නිසා ලොකයේ බොහෝ දෙනෙකුට ධර්මය ඇහෙන්නේ නෑ.

අනිත් අතට ගේ ලඟම පන්සලක් තිබ්බත් වැඩක් නෑ ඒ පුද්ගලයට ධර්මය අවබෝධ කරන්න බැරි නම්. අපි ඔය පාරෙ යනකොට කොයි ත‍රම් දැකල තියෙනවද සිහි විකල් උන, මන්දබුද්ධික අයව. මේ අයට ධර්මය ඇහුන කියල අවබෝධය ක‍රා පැමිනෙන්නේ නෑනෙ.

ඊළග කෙනාටත් ධර්මය කොච්ච‍ර කිව්වත් වැඩක් නෑ. මොකද එයා ඉන්නේ විවිධ මිත්‍යා දෘශ්ඨික මත වල හිර වෙලා. ඉතින් එහෙම කෙනාට මේ ධර්මය ඇහුන ගමන් එයාගෙ දෘශ්ඨි වලට එකඟ නැති නිසා එයා ධර්මයට විරුද්ධ වෙනවා. ඒක නිසා එහෙම කෙනාටත් පුලුවන කමක් නෑ අවබෝධයක් ලබන්න ධර්මය ඇහුනා කියල. එවැනි පුද්ගලයො තමන් ලඟට එන ක්‍ෂණ සම්පත්තියත් අහිමි ක‍ර ගන්නවා.

බුදුරජාණන් වහන්සේ කෙනෙකුත් නැති ධර්මයත් නැති කාලෙක බුද්ධිමත් මනුෂ්‍යයෙක් ඉන්නවා. මෙයා හොයනවා මෙහෙම ධර්මයක් තියෙනවද කියල. එහෙම නැත්නම් ධර්මය තියෙනවා වෙන භාෂාවකින්. එයාගෙ භාෂාවෙන් එක කියන්න කෙනෙක් නෑ එයාට ඒ භාෂාවෙන් කිව්වොත් අවබොධ ක‍රගන්න පුලුවනි, බලන්න අවාසනාවක හැටි.
මේ වගේ පුද්ගලයෙක් ගැන අපි මීට පෙර කථා ක‍රල තියෙනවා "වනගත වීම" කියන සටහනෙන්.

ඉතින් මේ අපිට ලබිල තියෙන්නේ දුර්ලභ අවස්ථාවක් කියල දැන් තේරෙනවා ඇති. ඒ වගේම ක්‍ෂණ සම්පත්තිය පිළිබඳ පුංචි අදහසකුත් ලැබෙන්න ඇති.

එසේ නම් ඔබ සැමට ඒ චතුරාර්ය සත්‍ය ධර්මය වහ වහා අවබෝධ වේවා.

තෙරුවන් ස‍රණයි!!!

නිවැරදිව ධර්මය ශ්‍රවණය කලයුතු අයුරු

2008-10-15T20:29:00.008+05:30

තැනෙක ධර්ම දේශනාවක් පැවැත් වෙන විට එතැනට බොහෝ පිරිසක් ධර්මශ්‍රවණය සදහා පැමිණෙති. නමුත් ඔවුන් ගෙන් බොහෝ පිරිසක් එයට සහභාගී වෙනු විනා එම ධර්ම දේශනාව හ‍රි හැටි අවබෝධ ක‍ර නොගනිති. බුදු රජාණන් වහන්සේ ධර්මය මෙන්ම එම ධර්ම කරුණු නිවැරදිව ශ්‍රවණය කලයුතු අයුරු ද අපට පහදා දී ඇත. එනම් ධර්ම දේශනාවක් ශ්‍රවණය ක‍රන පුද්ගලයා තුල පහත කරුණු පහ පිහිටා තිබිය යුතුය.

සුස්සූසති - ධර්මය ඇසීමේ ආසාවක්, කැමැත්තක් එය ශ්‍රවණය ක‍රන කෙනා තුල තිබිය යුතුය.
සෝතං ඕදහති - තම දෙකන් මනාව ධර්ම දේශනාව තුලම පිහිටාගෙන ශ්‍රවනය කල යුතුය.
අඤ්ඤාය චිත්තං උපට්ඨපේති - ධර්ම දේශනාව කෙසේ හෝ අවබෝධ ක‍රගනිමි යැයි අධිෂ්ඨානයෙන් සිටිය යුතුය.
අත්ථං ගණ්හාති - ධර්ම දේශනාවේ ඇති ධර්ම කරුණු හොදින් මතකයේ රඳවා ගනිමින්, අර්ථය වටහා ගනිමින් ශ්‍රවනය කල යුතුය.
අනත්ථං රිඤ්චති - ධර්ම දේශනාවෙන් පිටතට සිත විසිරී යැමට ඉඩ නොදී ධර්ම කරුණු ඔසේම සිත පිහිටුවා ගත යුතුය.
අනුලෝමිකාය ඛන්තියා සමන්නාග‍තෝ ‍හෝති - ධර්ම දේශනාවේ ඇති කරුණු තමන්ගේ ජීවිතයට ගලපා ගනිමින් කටයුතු කිරීම.

ඒ උතුම් වූ චතුරාර්ය සත්‍ය සැමට අවබෝධ වේවා!!!

තෙරුවන් ස‍රණයි.

නැවතුම සොයා...

2008-10-15T10:17:00.003+05:30

ජීවිතයේ යථාර්ථය...

2008-10-13T18:22:00.003+05:30

අමිල

ආද‍ර මල්...

2008-10-13T11:32:00.003+05:30

සෙත් කවිය

2008-10-12T20:36:00.000+05:30

No Fear - The Tiger’s Toothless

2008-10-10T15:57:00.001+05:30

පුන්චි දුවේ

2008-10-09T14:27:00.002+05:30

නුඹේ ප්‍රේමය

2008-10-06T19:08:00.001+05:30

වෘත්තිය හා ගරුත්වය

2008-10-06T11:39:00.003+05:30

එදා ලක්දිව වැසියාට තම දිවියේ පැවැත්ම උදෙසා වෘත්තියක් නොහොත් රැකියාවක් කිරීමට අවශ්‍ය නොවීය. පවුලක් හෝ පවුල් කීපයක් එක්ව විසූ එම අව්දියේ එම පවුල් ඒකකය මුළුමනින්ම වාගේ ස්වයංපෝෂිත විය. කුඹුරක් කොටා බත සරි කර ගත් ඔවුන්ට හේනේ වගා කරගත් එලවළුද, වත්තේ ඉබේට මෙන් වැවෙන අල බතලද අඩුවක් නොමැතිව තිබිණ. ඉඳ හිට විශේෂ අවස්ථා වලදී ලබා ගැනීමට අවශ්‍ය වන දෙයක් ඇති කෙනෙකුගෙන් ලබා ගත්තේද හිත හොඳ කමින් පිරි දීමේ පුරුද්ද මුල් කොට ගෙනය.

මෙසේ සහජීවනයෙන් තිබූ සමාජයේ ඔවුන් තමන් සතු දක්ෂතා හා හැකියාවන් අනුන්ගේ යහපත වෙනුවෙන් යෙදවූයේ රැකියාවක් උදෙසා නොව සමාජ සේවාවක් හා සත්කාරයක් කිරීමේ චේතනාව පෙරදැරි කරගෙනමය.

ගමේ තැනෙක අලුතෙන් ගෙයක් ඉදිවෙන විට ගමේ බොහෝ පිරිසක් එකතු වී තම තමන්ගේ හැකියාවන් අනුව උදව් පදව් කලෝ ය. පිරිසක් බිත්ති බැඳීම් කල අතර වහලයේ කට යුතු සඳහා තවත් පිරිසක් දායක විය. මෙලෙසම කුඹුරු කෙටීම, වැපිරීම, ගොයම් කැපීම, විවාහ, ම‍රණ හා විවිධ ආගමික උත්සව ඇතුලු මෙකී නොකී සෑම පොදු හෝ පෞද්ගලික උත්සව, විශේෂ අවස්ථා සඳහා සෑම සියළු දෙනාම තමන්ගේ නොමසුරු දායකත්වය ශ්‍රමයෙන්, බඩු භාන්ඩ හා කෑම බීම ආදියෙන් ලබා දුන්හ.

සුද්දා ලක් දෙරණට පය තැබීය. ඔවුන්ට මේ මනුස්සකම ඇල්ලුවේ නැත. සෑම දෙයක්ම හා සේවාවක්ම මුදලට යට කෙරිණ. වෘත්තීන් බෙදා දැක්වීය. අනතුරුව එවාට විවිධ තත්වයන් ආරෝපණය කල අතර ඒවා උසස්, මධ්‍යම හා පහත් ලෙසට වර්ගද කෙරිනි. අද සමාජයේ වෘත්තීමය බෙදීමක් පවතින්නේ මේ නිසාය.

ජන වහරේ පවතින ආකාරයට ''මිනිහා මේසන් බාස්නෙ'', ''ආ! අර බස් කොන්දොස්තර ද?'', ''එයා මම හිතන්නෙ අර ඔෆීස් එකේ පියන් ද කොහෙද?'' යන අකාරයට පුද්ගලයාට වඩා වෘත්තිය ඉදිරියට පැමිණ එය බාල්දු ක‍රමින් කථා කරන්නට මිනිසුන් පෙළඹේ.

වාසනාවකට පසු කලෙක මෙහි ඇති අසාර්ථකත්වය සුද්දාට වැටහුණි. ඔවුන් ඒ මාන්නය ඔලුවෙන් හලා අප පසු කර ඉදිරියට ගියෝ ය. නමුත් අපි?

නෙතින් නෙතට

2008-10-06T00:02:00.002+05:30

වන ගත වීම

2008-10-01T18:57:00.008+05:30

වර්තමාන සමාජය තුල සිටින බොහෝ මිනිසුන් ජීවත් වන්නේ සතුටින් නොව ජීවත් වීමේ ඔනෑවට දැයි විටෙක සිතේ. මන්ද ඔවුන් ජීවත් වීමට සිදුව ඇත්තේ තමන්ට අවැසි ලෙස නොව සමාජයට ඔනෑ ආකාරයටය. ජීවත්වීම සදහා රැකියාවක් ක‍රන අය බොහෝ විට ජීවිතය දමන්නේ දෙවැනි තැනටය. මොවුන් සියලු දෙනාම පාහේ සාමාජය විසින් ඇති ක‍රනු ලැබූ යාන්ත්‍රික පද්ධතියේ අනු කොටස් වැනිය. බොහෝ දෙනෙකුට මෙහි ඇති කටුක බව දැනෙන නමුත් එය අවබෝධ කොට ගන්නේ ඉතා ස්වල්ප දෙනෙකි. ඒ අය අත‍රිනුත් ඉතා අතලොස්සක් මෙම සම්මත රාමුව බිද දමා යෑමට උත්සාහ ක‍රයි(බොහෝ විට සමාජය පිස්සන් යැයි හංවඩු ගසන්නේ මොවුන්ය). අපගේ කථා නායකයා ද එවැන්නෙකි. එසේ නම් දැන් අපි ඔහු දෙසට යොමු වෙමු.

ක්‍රිස්ටොපර් ජොන්සන් මැක්න්ඩලස්(Christopher Johnson McCandless) - ක්‍රිස් ඉපදුනේ 1976 පෙබ‍රවාරි මස 12 දා දකුණු කැලිෆෝනියාවේ(Southern California) දීය. ඔහුට සිටියේ එක් නැගණියක් පමණි. ඔහුට වයස අවුරුදු 6 දී ඔවුන් වර්ජීනියාවට(Virginia) පැමිණි අත‍ර ඔහුගේ පියා නාසා ආයතනයේ ඇන්ටෙනා විශේෂඥයෙකු ලෙස සේවය කලේය. මව ගුවන් සේවා ආයතනයක ලේකම් ව‍රියක ලෙස සේවය කලාය. ක්‍රිස්ගේ ගෙද‍ර පවුල් පසුබිම එත‍රම් යහපත් එකක් නොවීය. නිත‍රම ඔහුගේ දෙමව්පියන් අඩ දබ‍ර ක‍ර ගත් අත‍ර සමහ‍ර දින වලදී එය හමාර වුයේ ගුටි බැට හුවමාරුවකින් පසුවය. මෙ වැනි සිද්ධීන් නිසා සමහ‍ර අවස්ථා වලදී ඔවුන් වෙන් වීමට ද තීරණය කල නමුත් එය සිදු වුයේ නැත.

පාසල් කාලයේදී ඔහුගේ සිත යොමු වී තිබුනේ විඤාන වාදය, දව්යන්ගේ පැවැත්ම පිලිබඳව වැනි විෂයන් කෙරෙහි වූ අත‍ර උසස් පෙළදී හේ වන සංචාරකයෙකු ලෙසද පුහුණුව ලබා ඇත. ඔහුගේ උපධිය මානව විද්‍යාව හා ඉතිහාසයට අදාලව 1986 දී වූඩ්සන්(W.T. Woodson) පාසලෙන්ද 1990 දී එමොරි(Emory) විශ්වවිද්‍යාලයෙන් ලබා ගෙන ඇත. තමා ලබා ගත් උපාධියේ ශක්තිය තුලින් සම්පත් භෝගී ඇමරිකානු සමාජය තුල ඇති හිස් බව වඩාත් දැඩිව නින්දාවට ලක් කළේය. ජැක් ලන්ඩන්(Jack London), ලියො තොයිස්ටොයි(Leo Tolstoy), ඩබ්ලිව්. එච්. ඩාවීස්(W.H. Davies) හා හෙන‍්රි ඩේවිඩ් තෝර්ර්(Henry David Thoreau) වැන්නවුන් හේ අදහස් වලට දැඩිව ඇලුම් කලේය.

ඔහුගේ අරමුණ වූ ඇලස්කා වට වන ගත වීම ඇරඹුවේ 1992 අප්‍රියල් 28 වෙනිදාය. ඔහු තම වන ගත චාරිකාව ඇරඹුවේ "ඇලෙක්සැන්ඩර් සුපර්ට්‍රැම්ප්" නමින් අන්වර්ථ නාමයක්ද පට බැඳ ගෙනය. එලෙසම තම චාරිකාවේ සෑම මොහොතක්ම, තමන් ගේ ශ‍රීර සෞඛ්‍යය, මානසිකත්වය හා ප‍රිස‍රයෙන් එල්ල වූ අභියොග ආදී සෑම දෙයක්ම සටහන් ක‍ර තැබීම පුරුද්දක් ක‍ර ගත්තේය. ඔහුගේ චාරිකාවේදී ආහාර පාන හා අමත‍ර ආම්පන්න ඉතා අඩුවෙන් ගෙන යාමට ද හේ වඩා උනන්දු විය.

ඇලස්කා වනයට අතුලු වූ පසු දඩයක් කරුවන් විසින් ව‍රින් ව‍ර භාවිතා ක‍රන ලද බස් රථයක් තම තාවකාලික නිවහන ලෙස භාවිතා ක‍රන ලදී.එහිදී ඔහු සතු වූ දව්‍ය වූයේ රාත්තල් 10 ක සහල් මලුවක්, අර්ධ ස්වයංක්‍රීය තුවක්කුවක්, පතුරම් විශාල ප්‍රමානයක්, දේශීය පැලෑටි ගැන ලියවුන පොතක් සහ වෙනත් පොත් කීපයක්ය. වනයේ ඇති ගස් වැල් සහ දඩයමේන් තම ආහාර අවශ්‍යතා සපුරා ගැනීම ඔහුගේ අභිලාශය වන්නට ඇත.ඔහු වනගත වී දින 112ක් පමන රැඳී ඇතයි සැලකේ.

ප්‍රාණය නිරුද්ධ වූ ඔහුගේ සිරුර බස් රථය තුල තිබී හමුවූයේ ඔහු මිය ගොස් සති දෙකකට පමණ පසු මූස් වළසුන් දඩයම් ක‍රනා දඩයම්කරුවන් පිරිසකටය . මිය යන විට සිරුරේ බ‍ර රාත්තල් 67ක් පමණ වී යැයි සැලකෙන අත‍ර ම‍රණයට හේතුව වශයෙන් නිරාහාරව සිටීම යැයි ම‍රණ ප‍රීක්ෂණයේ සඳහන් වේ. නමුත් යම් විෂ පැලෑටියක්(කැලෑ අර්තාපල්) කැවීමේන් පසු ඇතිවූ ආහාර ගැනීමේ අපහසුතාවයෙන් මෙලෙස වුනි යැයි ද මතයක් පවතී.

ක්‍රිස්ටොපර් ජොන්සන් මැක්න්ඩලස් - ඔහුගේම කැම‍රාවකින් ගන්නා ලද ජායා රූපයකි.

බොහෝ දෙනෙක් ඔහු ගැන කනගාටු වන්නේ ඔහු කොම්පාසුවක් හා සිතියමක් භාවිතා නොකිරීම ගැනය. මන්ද එක ව‍රක් තම චාරිකාව අත‍ර මග නවතා ආපසු යෑමට සැරසුනත් ඒ සදහා එතෙර වීමට තිබූ ගඟ පිටාරය ගලා තිබූ බැවින් එය වැලකුනේය. නමුත් ඔහු ගඟ ත‍රණය කිරීමට උත්සාහ කල ස්ථානයට සැතපුම් 1/4ක් දුරින් අතින් ක්‍රියා ක‍රන ට්‍රෑම් රථයක් තිබී ඇත. තවද හදිසි අවස්ථාවකදී ගැනීමට ඇති ආහාර ගබඩාවක් ඔහු සිටි බස් රථයට සැතපුම් කීපයක් දුරින් තිබී ද ඇත. ඔහු සතුව සිතියමක් තිබුනේ නම් මේ සියල්ල දැන ගැනීමට ඔහුට හැකි වනවා සේම පහසුවෙන් දිවි රැක ගැනීමටද හැකියාව ලැබෙනු ඇත.

මට මේ සිද්ධිය දැන ගන්න හම්බුනේ "Into the Wild" කියන චිත්‍රපටිය බැලුවට පස්සේ. කොහොම නමුත් චිත්‍රපටියේ සමහ‍ර සිදුවීම් අතිශෝක්තියෙන් තියෙනව කියල තමයි හිතෙන්නේ. උදාහ‍රණයක් විදියට "ටේසී " කියන ගෑනු ළමයගේ කතාව චිත්‍රපටියේ අලංකාරය පිනිස යොදාගෙන තියෙන්නේ. අනික ක්‍රිස්ගේ ච‍රිත ලක්ෂණ අනුව මේ ත‍රම් සාර්ථක විදියට පුද්ගල, සාමාජ සම්බන්ධතා ඇති ක‍රගන්න පුලුවන්ද කියල සැකයකුත් හිතෙනවා. කොහොම නමුත් මේකෙ ක්‍රිස්ගේ ච‍රිතයට පන පොවන එමිලේ(Emile Hirsch) වචනයෙන් කියන්න බැරි ත‍රම් සාධාරණයක් ක‍රල තියෙනව කියල කියන්න පුලුවන්.

චිත්‍රපටියේ එන ගීත ගැනත් විශේෂයෙන් කියන්න ඔනි. ඒ ගීත වලින් ලැබිල තියෙන ආලෝකය කියල වැඩක් නෑ. පර්ල් ජෑම්(Pearl Jam) සංගීත කන්ඩායමේ නියමු ගායක එඩී වෙඩ්ඩර්(Eddie Vedder) ගේ සංවේග ජනක කට හඩ හොදට ගැලපෙනව මේකෙ කතාවත් එක්ක. "No Ceiling, Society" කියන ගීත නම් මරු.

මේක බලලා අන්තිමට මට මතක් උනේ, අනේ ධ‍ර්මය තියෙන රටක මොහු ඉපදුනා නම් කොච්ච‍ර වාසනාවක් ද කියල.මොකද මොහුට අවබොධ කිරිමේ හැකියාව තිබුනට ධ‍ර්මය නැති රටකනේ ඉපදුනේ.

*මේ චිත්‍රපටිය ගැන කීවට මධූ නංගිට ස්තූතියි.

වැඩි විස්තර සඳහා:
http://en.wikipedia.org/wiki/Christopher_McCandless
http://en.wikipedia.org/wiki/Into_the_Wild_(film)
http://en.wikipedia.org/wiki/Into_the_Wild

සෙබළ සොහොයුරන් හට

2008-10-01T17:44:00.003+05:30

සිකුරාදා රෑ දුටු ගාන්ධර්වයා

2008-09-29T09:42:00.000+05:30

ගීත නමින් බුරුතු පිටින් එළි බහින්නේ පල් හෑලිය. මේවායේ ගැබ් වෙන හෑලිවල බස් විය කමක්, නව්‍ය ස්ව‍ර සංකලනයක් නැත. සංගීත සංදර්ශන, සංගීත සලාද, සංගීත හොදි දෑ නම් පට බැද ඇස් කන් වලට කන් කරච්චල් ක‍රන්නේ, ගුවන් ගැබ ගුගුරුවන්නේ, වා ගැබ දුෂිත ක‍රන්නේ ගායනා නොව බහු රූපී කෝලම්ය. ඊනියා ගායක/ගායිකාවෝ ඇඹ‍රෙති, හැකිලෙති, උඩ පනිති, බෙරිහන් දෙති, ගිරිය කඩා ගනිති, සෘති බේද ක‍රති, කන් පලති. මේ සියලු විගඩම් කුමකටද?
- මහාචාර්ය සුච‍රිත ගම්ලත්

අර්ථ විරහිත වූ පෙම්/විරහ ගීත වලින් පිරුනු වර්තමාන ගී ලොවට ඔහුගේ පිරිපුන් මධූර්‍යයෙන් සපිරි සව‍රය වුවද කෙනෙකු දැහැන් ගත කිරීමට සමත් වෙයි. මුදලට, ජනප්‍රියත්වයට යටවූ වර්තමාන සංගීත ලොව තුල ඔහු නොසැලී තම ප්‍රතිභාව රැකගෙන සිටියේය. නිවැරදි ස්ව‍ර ස්ථානවල පිහිටා ගායනා කිරීමට ඔහු ත‍රම් සමතෙකු නොමැති ත‍රම්යැයි කිවහැක. හේ අම‍රසිරි පීරිස් නම් වූ වචනයේ ප‍රිසමාප්ත අර්ථයෙන්ම ගාන්ධර්වයෙකි.

දෙරණ රූපවාහිනියෙන් 26 වෙනි සිකුරදා විකාශය වූ "සිකුරාදා රෑ" වැඩ සටහනට ඔහුගේ මිතුරන් (සමන්ත හේරත්, වෛද්‍ය කපිල ක්‍රිෂාන්ත), මුල් ගුරුතුමා, බිරිඳ, දරුවන් සහභාගී වෙමින් ඉතා රසවත්ව මද්‍යම රාත්‍රිය පසු වන තෙක්ම ඇදී ගියේ වේලාව පිළිබඳව අල්පමාත්‍රයක් හෝ හැගීමක් ඇති නොක‍රය.

අම‍රසිරි පීරිස් සංගීත වේදියාණනි ඔබට දීර්ඝායු!

වැඩ සටහනේ දශ්‍ය ගොනු

01. සඳුද අවදියෙන් [21.37 MB]

02. කවුරුවත් නෑ [23.04 MB]

03. වළා වතුල [22.03 MB]

04. සඳලේඛාවෙන් [17.11 MB]

05. සොඳුරිය [22.56 MB]

06. ළඳුනේ [16.00 MB]

07. මේ ගඟ කොතරම් සුන්දර ද*[21.29 MB]

* ''සල නිසල'' නම් වූ වෛද්‍ය චිකිත්සාත්මක සංගීත වැඩ සටහනට කල පර්යේෂනාත්මක ගීතයකි.

08. මලක් උනේ ඇයි නුඹ මට [15.23 MB]

09. වරෙන්, වරෙන් සුදු පරවියෝ [20.75 MB]

10. මගේ පුංචි රෝස මලේ [20.21 MB]

11. ඇපල් මල [27.68 MB]

The X-Files: I Want to Believe

2008-09-25T10:23:00.000+05:30

"එක්ස්-ෆයිල්ස්" රූපවහිනී කථා මාලාව නිම වී සය වස‍රක් ගෙවී ගියේය. හිටපු එෆ්.බී.අයි නිලධාරිනී ඩනා ස්කලී(Dana Scully) "Our Lady of Sorrows" රෝහලේ සේවය ක‍රනු ලබයි. එහිදී ඇය ක්‍රිස්ටියන්(Christian) නැමැති දරුවාගේ මොළයේ සැත්කමක් ක‍රමින් සිටී. මේ අත‍ර එෆ්.බී.අයි නිලධාරී ඩ්‍රම්මී(Drummy) ස්කලී සොයා විත් මෝල්ඩර්(Mulder) සිටින තැන ඇයගෙන් විමසයි. ඒ එෆ්.බී.අයි නිලධාරිනීයකු වූ මොනිකා බනාන්(Monica Banan) ඇතුලු කාන්තාවන් කීප දෙනෙකු අතුරුදහන් වීම පිළිබද කෙරෙන ප‍රීක්ෂණයට ඔහුගේ සහය ලබාගැනීමටය.
එම ප‍රීක්ෂණයට මෝල්ඩර්, ස්කලී මෙන්ම අධිමානසික හැකියාවකින් යුතු ජෝසප්(Joseph) නැමති පාදිලි තුමාද එක් වෙයි.
මෙලෙස දිව යන කතාවේ අවසානයේ මිනිස් අවයව ජාවාරම් කාරයෙකු මෙම සිදුවිම පසු පස ඇතැයි සොයාගෙන ඔහු පසු පස ලුහු බැදීම වටාද කථාංගය ගමන් ක‍රයි.

මේ කිව්වෙ "එක්ස්-ෆයිල්ස්" චිත්‍රපටියේ සාරංශයක්. මට ඔන කළේ මේකෙ කථාව කියන්න නෙමෙයි. ඉස්ස‍ර මේක රූපවහිනියෙ යන කාලේ එක කොටසක් වත් මග අරින්නේ නැතුව බලන්න උත්සාහා කළා. එහි ඇති ත්‍රාසයට හා ත‍ර්කානුකූල කථාංග වලට ඇබ්බැහි වෙලා හිටියා කිව්වොත් නිවැරදියි.
හොද සිද්ධියකුත් මතක් උනා, එක සැරයක් යාලුවෙකුගේ සීයා කෙනෙකුගෙ හත්දවසෙ බණ ගෙද‍රක ගියා. එදා කරුමෙට බදාදා දවසක්. කොහොම හ‍රි විසිදෙනෙක් විත‍ර ගියා, මෙතනින් මම වගේ "එක්ස්-ෆයිල්ස් පිස්සො" හත‍ර දෙනෙකුත් හිටියා නොවැ.ඔක විකශය උනේ රෑ 10ට විත‍ර. දැන් වෙලාවත් 9.40 විත‍ර උනා. ඒපාර අපි හත‍ර දෙනා හිමින් සීරුවෙ මාරුවෙලා ඒ ළග තිබ්බ යාලුවෙකුගේ නැන්දා කෙනෙකුගෙ ගෙද‍රට දිව්වා කිලෝමීට‍රයක් විත‍ර හති දාගෙන. ඒ ත‍රම් ආසාවක් තිබ්බා ඔක බලන්න.
හැබැයි වැඩේ කියන්නේ මේ චිත්‍රපටියේ නම් ඒ කථා මාලාව ලගින් තියන්නවත් බෑ කියල තමයි පෙනුනෙ.
සමහ‍ර විට ක්‍රිස් කාටර්(Chris Carter) හිතුවද දන්නේ නෑ පිට සක්වල ජීවීන් ගෙන් ඈත් වෙලා නිර්මාණයක් ක‍රන්න. ඒවගේම අළු යට ගිනි පුපුරුවගේ හොර රහසේ කෙරෙන මිනිස් අවයව වෙළදාම ගැන කතා කිරීම හොද දෙයක්. මොකද තාම මේ ගැන සිනමාවේ වැඩිය සංවාදයට ලක්වෙලා නෑනේ.
නමුත් "එක්ස්-ෆයිල්ස්" රූපවහිනී කථා මාලාවෙ තිබ්බ ජීවය චිත්‍රපටියේ ගෑවිලාවත් නෑ වගේ. ක්‍රිස් කාටර්ගෙ හැකියාවන් මොට වෙලාද කියලත් හිතුනා. කොහොම නමුත් මේ චිත්‍රපටිය කලාට වඩා නොකාර හිටියනම් හොදයි කියල තමයි කියන්න තියෙන්නේ.

සාහිත්‍ය හා නුතන සමාජය

2008-09-22T12:48:00.000+05:30

අද මේ සමාජය කල්පනා නොක‍රන, සම්මා සතියෙන් තොර වූ විපරීත මනසකින් යුත් සමාජයක් බවට පත්ව ඇති බව ඉතා පැහැදිලියි, මේ සමාජය අද සින්දුවෙන්, පන්දුවෙන් නැළවෙන සමාජයක් බවට පත් වෙලා. රටේ අනාගතය භාරගන්නා තරුණ ප‍රපුර වල්මත් වූ අභිනක් බවට පත් වෙලා, පත් ක‍රලා. ටැලිෆොන් කනේ ගහ ගත් ඔවුන් ජේ. ආර්. ජයවර්ධන මහතා ගේ(1) ප්‍රාර්ථනය දැන් ඉෂ්ට ක‍රමින් ඉන්නවා. උන්ගේ එකම අභිලාෂය සුපර් ස්ටාර්ලා වීමයි. ඔවුන්ගේ මානසික ආහාර බවට පත්ව ඇත්තේ මේ රටේ විවිධ චැනල්වලින් පිටාර ගලන කුණු ඔජසයි. මේ විනාශය ඇරඹුවන් විසින් මෙය ජනප්‍රිය නුතනත්වය යන සාඩම්බ‍ර වදනින් බවුතීස්ම ක‍රන බවට ද පෙනෙන්නට තිබෙනවා.

අපේ තරුණ පිරිස මේ විනාශයෙන් මුදා නොගත්තොත් අප පතන බුධිමය සංවාදය හො අලුත් ලංකාවක් පිළිබ්දව හෝ කතා කිරීම මිරිගුවක්.

-පසුගිය දිනෙක කඹුරුපිටියෙදී පවත්වන ලද රාජ්‍ය සාහිතය උත්සවයේදී ගුණදාස අම‍රසේකරයන් විසින් කල දේශනයේ සංයුක්තයකි.

(1) 1983 දී පළමු විධායක ජනාධිපති, ජේ. ආර්. ජයවර්ධන මහතා මාත‍ර පැවති වාර්ෂික උත්සවයකට සහභාගීවී පැවසුයේ "මේ සාහිත්‍ය හැදෑරීමෙන් පලක් නෑ. මේක හදාරා ටැලිෆොනයක් ගන්න පුලුවන්ද? මොටෝ බයිසිකලයක් ගන්න පුලුවන්ද? මේක පලක් නැති වැඩක්."

3005

2008-09-16T11:10:00.000+05:30

Let's clap our hands
For the president,
And jesus christ
And did i mention charlie manson and everybody else who was nice
Let's sing a song, for the people scarred
Searching in the air, if you search real hard you'll see that i'll be there

Shootin up your world,
Watchin all the resurrection junkies losin ground!
Yeah i'll be there,
Shootin up your world,
Watchin all the resurrection junkies losin ground!

Let's do high fives, for a genocide, and the internet
And all the communications skills that are lost when we are dead
You'll never survive, 3005
While you be sinkin in the ocean i'll be in my spaceship still alive

Shootin up your world,
Watchin all the resurrection junkies losin ground!
Yeah i'll be there,
Shootin up your world,
watchin all the resurrection junkies losin ground!

Yeah i'll be there,
Shootin up your world,
watchin all the resurrection junkies losin ground!
Yeah i'll be there,
shootin up your world,
Watchin all the resurrection junkies losin ground!

Let's clap our hands,
for the president,
And mickey mouse,
And every other motherf**ker that's burnin up in this house...

මේ දිනවල දිගට හ‍රහට අහන ගීතයක් තමයි මේ. මෙක ගායනා ක‍රන්නේ Scars On Broadway කියන සංගීත කණ්ඩායම. මේ ගොල්ලො ආවෙ System Of A Down කියන සංගීත කණ්ඩායමෙන් කැඩිලා නොවැ. (එක ගැන මෙහෙම කෙටියෙන් කියන්න බෑ විස්ත‍ර ඇතුව පස්සෙ කියන්නම්)
මේ ගීතයේ සදහන් වෙන Charles Manson කියන පුද්ගලයා ගැන පොඩ්ඩක් හොයල බැලුව. හප්පා මේකා මහ දරුණු අප‍රාධ කාරයෙක් නොවැ. මෙයත් කන කඩන සංගීත කාරයෙක්. එවගේම එල්. එස්. ඩී කියන මත්පෙති වලටත් ඇබ්බැහිවෙලා තමයි ඉඳල තියෙන්නේ. කෝමහ‍රි මෙයා හිපි පවුලක නායකයෙක් විදියට කටයුතු ක‍රමින් තමයි මේ අප‍රාධ සියල්ල ක‍රල තියෙන්නේ. නඩු විභාගයෙදි මෙයා අතින් 9 දෙනෙක් මැරුම් කලා තියෙනවා කියල ඔප්පු වෙලා වගේම මෙයාගේ මෙහෙය වීම මත 35 දෙනෙක් විත‍ර ම‍රණයට ලක් ක‍රලත් තියෙනවා කියල තමයි කියන්නේ.

චාලිස් මැන්සන්

Charles Manson - The Man Who Killed The 60s කියන වාර්ථා වැඩසටහනේදී ඔහු අවසානයට කියන දෙයින් ඔහුගේ මානසික තත්වය ගැන හිතා ගන්න පුලුවන්
"I haven't mind the procedure,
Understand procedure,
Understand rules,regulation
I don't understand the story."

වැඩි විස්ත‍ර බලන්න පුලුවන් මේ යොමුවට ගියොත්

http://en.wikipedia.org/wiki/Charles_Manson